پولیو کا مریض تندرست ہوگیا

ابرار حسین ولد محمد حسین (ہیڈ تونسہ کالونی مظفر گڑھ ) بتاتے ہیں کہ جب میری عمر ڈیڑھ سال کی تھی تو میں پولیو کی وجہ سے دونوں ٹانگوں سے معذور ہو گیا تھا، اب میری عمر 21 سال ہے۔ ہمارا رشتے دار محمد ناصر اپنے کسی دوست کے گھر گیا تو وہاں پیر و مرشد لاثانی سرکار صاحب کی شبیہہ مبارک دیکھی۔ محمد ناصر نے پوچھا کہ یہ شبیہہ مبارک کس کی ہے؟ گھر والوں نے بتایا کہ یہ ہمارے مرشد کی ہے۔ محمد ناصر نے کہا کہ یہ شبیہہ ہمیں دے دو۔ انہوں نے کہا کہ ہمارے پاس ایک ہی ہے اس لئے ہم نہیں دے سکتے۔ محمد ناصر نے وہ شبیہہ فوٹو سٹیٹ کروالی اور آکر ہمارے گھر لگا دی۔شبیہہ مبارک لگنے کے تھوڑی دیر بعد ہی مجھ پر ایک حیران کن کرم نوازی ہوگئی اور میں اپنے پائوں پر کھڑا ہوکر چل کر گھر کے صحن میں آگیا جہاں سب گھر والے موجود تھے۔ وہ مجھے اپنے پائوں پر چلتا دیکھ کر حیران ہوگئے اور پوچھنے لگے کہ تم ٹھیک کیسے ہوگئے ہو؟ تو میں نے انہیں بتایا کہ شبیہہ مبارک والے بزرگ لاثانی سرکار صاحب ظاہری طور پر میرے پاس تشریف لائے۔ پہلے انہوں نے میرے اردگر د چکر لگایا پھر میرے بازو سے پکڑ کر فرمایا جہاں دل چاہے جائو۔ اب میں بالکل ٹھیک ہو گیا اور اپنے پائوں پر چل کر آستانہ عایہ نقشبندیہ چادریہ لاثانیہ حاضری دی اور قبلہ پیر و مرشد صوفی مسعود احمد صدیقی المعروف لاثانی سرکار صاحب کے ہاتھ پر بیعت کی سعادت بھی حاصل کرلی۔

لاعلاج امراض سے شفاءہونا