برین ہیمرج کی مریضہ ٹھیک ہوگئی

میری والدہ کو برین ہیمرج ہوگیا ڈاکٹروں نے جواب دے دیا میں نے اپنے پیر و مرشد قائد روحانی انقلاب سے عرض کی آپ نے دعا فرمائی اور مرض ٹھیک ہو گیا

عبدالرحیم نقشبندی (اقبال ٹائون لاہور) بیان کرتے ہیں کہ مورخہ 14-1-2016کی شام میری والدہ کو برین ہیمرج کا مرض لاحق ہوگیا اور وہ بے ہوش ہوگئیں۔ میں اپنی والدہ کو اتفاق ہسپتال لے کر گیا تو انہوں نے CT. Scanکیا۔ اس کے بعد ڈاکٹروں نے رپورٹس چیک کیں اور انہوں نے مجھے جواب دے دیا کہ اب آپ کی والدہ کچھ دیر کی مہمان ہیں۔ میں اپنی والدہ کو جنرل ہسپتال لے گیا وہاں بھی انہوں نے ایک گھنٹہ ایمرجنسی میں رکھ کر جواب دے دیا۔ ہر طرف سے مایوس ہو کر میں نے اپنے پیر و مرشد قائد روحانی انقلاب صوفی مسعود احمد صدیقی لاثانی سرکار صاحب کو فون کیا اور عرض کی کہ ڈاکٹروں نے میری والدہ کو جواب دے دیا ہے۔ آپ ہی خصوصی دعا فرما دیں کہ میری والدہ ٹھیک ہوجائیں۔ آپ سرکار نے دعا فرمائی اور دوبارہ ہسپتال سے چیک اپ کروانے کا فرمایا۔ پیر و مرشد لاثانی سرکار صاحب سے دعا کروانے کے بعد مجھے کامل یقین ہوگیا کہ اللہ تعالیٰ کے فضل و کرم سے انشاء اللہ میری والدہ کو شفاء ہوجائے گی۔ چنانچہ میں پھر اپنی والدہ کو لے کر دوبارہ ہسپتال گیا۔ ہسپتال والوں نے میری والدہ کو ایمرجنسی وارڈ میں داخل کرلیا اور اس کے بعد ان کو ہوش بھی آگیا۔ تقریباً ایک ہفتہ میں میری والدہ شفاء یاب ہوگئیں۔ ڈاکٹرز حیران ہوگئے کہ یہ تو ناممکن تھا اور اچانک یہ تبدیلی کیسے آگئی اور یہ مریضہ اتنی جلد صحت یاب کیسے ہوگئی۔ تو میں نے انہیں بتایا کہ یہ سب میرے پیر و مرشد جناب صوفی مسعود احمد صدیقی لاثانی سرکار صاحب کی نظر کرم اور دعا کی بدولت ممکن ہوا ہے۔ میں اور میرے گھر والے پیر و مرشد کے اس احسانِ عظیم پر بہت شکر گزار ہیں اور ہر لمحہ دعا گو ہیں کہ اللہ تعالیٰ ہمارے پیر و مرشد کا سایہ ہم پر قائم و دائم رکھیں۔ آمین

لاعلاج امراض سے شفاءہونا